Elsabe Potgieter is deur Brussel Internasionale Ballet gekeur om tussen Julie en Augustus ’n somerskool by Don Bosco Internaat by te woon. Sy sal ook die geleentheid gebied word om saam met die Brusselse Balletgeselskap op te tree.
Tydens die Julie-vakansie sal Elsabe ook aan ’n internasionale winterskool in Johannesburg deelneem, waar sy deur internasionale balletmeesters onderrig sal word.
Elsabe sal ook in Augustus die “American Academy of Ballet Summer School of Excellence” in New York bywoon.
Baie geluk, Elsabe! Gimmies is baie trots op jou.
