Anellé Arbuckle het tydens die vakansie aan die “Europe dance Grand Prix Championships” in Bologna, Italië, en aan die “IFAA Dance and Modelling Awards and Grand Prix Championships” in Windhoek en Swakopmund deelgeneem.
Baie geluk met jou besondere prestasies, Anellé! Ons is trots op jou.
Tydens die eerste kompetisie was sy deel van ’n groep wat daarin kon slaag om drie trofees te verower. Dié groep het ’n eerste plek in fusion, tweede plek in hip hop en ’n derde plek in contemporary behaal. Tydens die tweede kompetisie in Namibië het Anellé 15 trofees verower, sewe spesiale toekennings ontvang en 20 goue medaljes ingepalm.
Sy is ook gekies om Suid-Afrika in 2020 in Barcelona, Spanje, te gaan verteenwoordig!
