Dogtershokkie

  (018) 293-0267/9   potchgimmies@gimmies.co.za / rao@gimmies.co.za

DOGTERSHOKKIE

Om by Gimmies hokkie te speel, beteken baie geleenthede op en af van die veld. Ons oefen, het gespesialiseerde afrigting, kampe, toere, sosiale ontwikkeling, pret en vele meer vaardighede om die lewe voluit te kan geniet.

Gimmies bied:

  • 9 spanne
  • Oefensessies (Maandae tot Donderdae)
  • Top afrigters
  • Deelname aan NWU-Prestige-sportreeks, Noordwes-liga en Noordvaal
  • Weeklikse astro-sessies (by NWU-PUK)
  • Individuele afrigting
  • Blootstelling by klinieke
  • 1ste span neem tweejaarliks aan die internasionale hokkiefees in Kaapstad deel

  • Ons spog met ‘n aantal spelers uit elke ouderdomsgroep wat Noordwes verteenwoordig. Marlize Jordaan word as doelwagter vir die Noordwes senior damespan gekies.
  • Ons eerstespan kry die geleentheid om aan die Varisty Cup se voorwedstryd teen Hoër Volkskool deel te neem. Die wedstryd is op TV uitgesaai.
  • Noordwes-wenners: Die o/14A en die 1ste span wen die Noordwes-liga en die o/15A-span eindig tweede. (Hulle speel vir Noordvaal uit en wen die wedstryd).
  • NWU-Prestige-sportreeks: Die  o/14A-span is nommer 1 in hul groep. Die eerste- en tweede spanne eindig derde.
  • Noordvaal: Die o/14A-, o/15A- en 1ste spanne neem aan die kompetisie deel. Die o/15A-span vorder tot die kwartfinaal.


Eerstespan toer na George om daar aan ‘n toernooi deel te neem en word as die span van die toernooi aangewys.

Puk-Prestige-reeks:
Al die dogterspanne het hieraan deelgeneem.  Die eerstespan wen die reeks oortuigend met skitterende hokkie. Die o/14A-span wen ‘n silwermedalje in die reeks

Noordwes-liga:
Gimmies speel in die NW-Platinum-reeks vir grootskole.  Die o/15A-span is naaswenners van NW-Platinum. Die eerstespan eindig algeheel vierde by die Noordvaal-toernooi.

Noordwes-kleure:
Gimmies spog met 15 hokkiedogters wat Noordwes-kleure verwerf het.